تومي ذعاذيع الهواء بالجرايد=تعصف بها ساعات بالحيل واتهيد
جموع الرواعب فرقتها فرايد=يستاهلن بالنوح جابن بي العيد
يالورق وقتٍ زل ماهو بعايد=وقتٍ يشيب ذكره براضع الديد
يطري علي واعاف لين الوسايد=في مسدحي واسج بافكاري ابعيد
ما خلته سود الليالي شرايد=ولمابه نحت جداي شجبٍ وتنديد
بس الصبر لو كان بالحيل كايد=ويصعب لو الايام راحت سراميد
جيدٍ به اتذوب الحلي والقلايد=وجيدٍ يذري بالشدايد كما الحيد
هذاك من بعده جرالي نكايد=وهذاك في فقده فقدت الاواليد