ورق النخل لانحت حاول تدارك=داع الحزن واللي يجي غير لاباس
راع ان سمحت ظروف واوضاع جارك=ترا مزاجه له اسبوعين منحاس
اللي تبيه ايمين والا يسارك=ومن غير دمع بكاك ما اظن له ساس
انا الذي يونس على الكبد فارك=واحيان كن يشذب اطرافها امواس
وبالراس لافواج الطواري معارك=اذكر بها صولات سالم وجساس
ما اطرب على سجعك ولا طق طارك=وتغريد عصفور النخل ماله اوناس
منك ومنه ما عاد ابي لي مشارك=ماجاب هجسي جا مرده من الراس
بعون من جل بسماه وتبارك=اللي لوجهه تسجد الجن والناس