ارجع وطمني عن احوالك وروح=ماجا لقلبي من غيابك يكفي
لو يصبر العاشق عن البوح والنوح=ماراح عمره في انتضار المقفي
ان جيتني مسموح والذنب مدموح=وش عاد ابي لصار كفك بكفي
باب الوصل لرضاك لازال مفتوح=ارجع قبل لايخلف البعد شفي
روحي معك ياروح مابعدها روح=لو كنت عن وجه الوصال متخفي
القلب في برد الجفا كله جروح=من عقب ماهو في مداك متدفي
عنيت نفسي في الهواء دون مصلوح=كم قلت يانفسي عن الحب عفي
جور الهواء ماهو سواليف ومزوح=كم حي من فعل الغرام متوفي
وانا هويت وغرني برق يلوح=وهفيت محدن ردني من مهفي
وأصبحت في ظلما الهواء في رجا ضوح=احايل الجافي لعله يوفي
اخذت منك النوح واعطيتك البوح=ولا صفا حلم رسمته بصفي
واليوم علمني عن احوالك وروح=الله معك دامك مقفي مقفي