شبكة رواسي نجد الأدبية - عرض مشاركة واحدة

05-07-2018, 01:59 PM

يقول خالد

يامدور الهين ترى الكايد أحلى
اسأل مغنّي كايدات الطروق
الزين غالي لكن الأزين أغلى
ولكل شرايٍ بضاعة وسوقِ
النوّ عالي والسما فوقه أعلى
لا فاق علمٍ جاه علمٍ يفوقِ
الصعب هلاّ قلت ياصعب سهلا
دامك تبيني فانت ياصعب شوقِ
أحب أعسف المهرة اللي تغلى
واحب أروّض كل طرفٍ يموقِ
واحب أسافر مع سحاب تعلّى
واحب فوق الغيم لمع البروقِِِِ
واحب اساهر بدري اللي تجلى
وارسم شعاع الشمس عند الشروقِ
يامن على ثاير فوادي تولّى
خلّك على قلب الكرامة شفوقِ
أكرم عزيزٍ بالعمر ماستذلّى
يسوق عمره للمشاريف سوقِ
اخترتك من الناس للقلب خلّى
ياحيثك مرادي وكيفي وذوقي
مارحت أدوّر كل زولٍ تحلّى
لولاك تسوى ماعطيتك خفوقي

خالد ناصر ,عبدالله الدّنّيش ,ناصر الهواوي و 1 آخرون معجبون بهذا