شبكة رواسي نجد الأدبية - عرض مشاركة واحدة

13-05-2018, 05:25 PM

اقتباس:

المشاركة الأصلية كتبت بواسطة ناصر الهواوي

الهلا بك يالجوهره وسبحان المدبر اليوم عكس امس تماما الجو صافي جدا ولله الحمد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

عن سكوتي امس اليوم يالهجس ابي تعويض=هات المفرده ضخمه ورقق معانيها
ينفث عبرها المكبوت تخفيف غيض لفيض=زفراتٍ تضيم الصدر ماهوب قاويها
براد الشتا ولا وجانا سموم القيض=يتمم نهاره ما نقص من لياليها
هجوسي انا قررت اوقع لك التفويض=صدر السالفه مني ومنك انت تاليها
اشواقي تسارع له وهو باشتياقه ريض=تماما بعكس ايام ما كنت ناسيها
لاواني وروضني على ما يبي ترويض=ترويض الشراري للصعايب يلاويها
لو عنده عداله كان لي يدفع التعويض=اهل الخير تكميل الوفا من مباديها

^^

الهواوي طار في العجة .. وينك يا خيال ما تمسك بتلابيبة ههههههه

مع ان القافية تحتاج للتقريض فقرضت قرضا

^^

معوّض ، معوض خير يا طالب التعويض = برأسك هجوس الشعر تبني مبانيها

هجوسك تولّد هاجس الشعر لك وتبِيض = وتنشأ وتترعرع بصدرك قوافيها

ليا هبت العجة وغطت وفاضت فيض = تخيّل ضبابٍ حام وانسى سوافيها

تخيّل ضرية جنب لندن وحث الهيض = وسافر على متن القوافي وجاريها

وعوّد وسج الرِّجل في برها تركيض = ودور على ريم الفلا في مفاليها

وإيّاك تتراجع وترجع على التحريض = سواليف سلت خاطري من تساليها

سواليف فاضت وأبتدى سيلها من غيض = عسى سيله الدفاق يسقي شواطيها

^^

وعسى الله يجيب مطر

محمد العواد ,هزاع العاصمي معجبون بهذا