سجين الرواسي وش علامك قصرت الصوت=وانا خابرك يذعر جياد العدا صوتك
عودك تايهٍ في بورصة اللول والياقوت=ويقولون له جناح اللاماس لايفوتك
وانا اقول وش نفعي منه يوم فات الفوت=ياسوق الغلا ما احتاج لولك وياقوتك
فرحت بنجاتي منه والا بغيت اموت=وله قلت انا ياجعلهن يفدن سبوتك
عليه الله اكبر منه شربي وفيه القوت=واقول لسواها بارك الله لك بقوتك
معه طرت بعد البسني الترف براشوت=ورماني من اعلى قال رح في براشوتك
انا هي كذا دايم حياتي قليل ابخوت=ازرع لي جناين ورد والخاتمه موته