اهلا يابو فيصل وصح بدنك اما من ناحية رجال فهذا لاشك فيه ان شاء الله
واما من ناحية عاقل فالموضوع فيه اخذ ورد يالغالي ولو ان العقل ثابت كان ما حصلتني هنا الى اليوم هههههههههههههههههههههههه
ارحبي يالعاصفيه نور والتحفيز والدعم المعنوي يعادل معلقات لاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
( بعصر عسكر)مثل
عسكر هذا كان من سكان مسكه القداما ومعروف وذريته في عفيف الى الآن ومن الشجعان
يقولون وكانوا قديما يحيون ليالي سمر رقص وقصيد بشبه اختلاط ههههههههههههههه وهذ قبل اكثر من قرن
يقولون ليله من هالليالي وهم يرقصون ثارت بندق عن بعد وقتلت واحد من الحاضرين وانحاسو الناس من الوضع وشالوا القتيل
وكان عسكر يقول لاتقطعون الرقص والغناء استمروا وبعدين نشوف الوضع فسمي ذالك الوقت عصر عسكر
ويطلق المثل على من لا يبالي بشي (معلومه)
ــــــــــــــــــــــــــــــــــــــــــــــــــ ــــــــــــــــــــ
نشدتك يابو فيصل قبل عن مبيعات العقول=وهو باقيٍ به وانتهى مابقي ماجا جواب
صر رجال عاقل هكذا صرت يالشاطر تقول=وفتحت بمقالك للاباليس بي 90باب
يمكن بكره الناقد يقول انت يالعود مهبول=ومن كان لايجرا عليِّ يتولم للسباب
لفته للنظر من شايبٍ كان ريس للخبول=لقيتو عيوبٍ فيه والا قبل ماهو يعاب
دع هالحكي وارجع ياهجوسي لبو طرفٍ خجول=ياويح ابو فيصل لو يشوفه بعد طاح النقاب
بمحياه ورد وحد سيف وهدب ضافي ولول=لو يخرج زكاة الزين يوم اكتمل فيه النصاب
لطيف اللمى وجهه كما البدر والحكي امعسول=لو يهامس اللي يحتضر باذن رب العرش طاب