شبكة رواسي نجد الأدبية - عرض مشاركة واحدة

14-02-2018, 02:25 AM

اقتباس:

المشاركة الأصلية كتبت بواسطة شاعرة نجد

تسليه

يازعيم الحزب وش ودك نسوي=انتسلا فـ .الرعد والا نبيده
والا ودك لاتواقد جمر ضوي=أحَمَسْهم حمس وانا المستفيده
لين ريم تصيح وانا اقول توي=ولين طيّبهم يطيح ويرفع ايده
شاور افكارك وقللي وش تْنوي=ساعدك وابشر تراني عن وليده
تدري اني لافضيت وزان جوي=كل ساعه ودي اكتب لي قصيده
وان سرى الهاجس على براق نوي=والقريحه فضفضت باللي تريده
حرك الاشواق رعّادٍ يْدوّي=واستباح القلب,وادياره بعيده

صح لسانكـ يالجزله
واستلمي الله يكفينا شركم ههههههه

ما يفك الحبل والحبل متلوي=غير من تخضع له حروف النشيده
حزبكم يا نجد يبغاله مقوي=لجل نلقا ذايقتنا في رصيده
منكم الي يبني ولاخر يطوي=النضر في حزبكم لازم نعيده
ما يسرح فـ الجزيل ولا يضوي=كني اقرالي كلامٍ في جريده
وحزبنا من نهره العذب امتروي=وبارقه يبرق عسى ربي يزيده
لا حضرنا خصمنا طاح امتثوي=كم خصيمٍ راح ما قلنا فقيده
وكان منتي مصدقه هرجي تكوي=جعل كل ايامك ايامٍ سعيده

شاعرة نجد ,ناصر الهواوي ,رحيل و 4 آخرون معجبون بهذا