ياريم حزب الفلس لو هو ضحك سِنه=الأرض من تحتهم نقدر نزلزلها
مهما كثر دبكهم ناقه ومستنه=لو قالوا بعير حنا نَعْرف البلها
محدٍ يقول الهدير يشابه الحَنه=لكن فحول الشعر منهو مفَحِّلها
خفير فك السجين وشغِّل الدنه=ورح للهواوي شناباته يفَتِّلها
هاته بصندوقها لو جر له ونه=رجليه بقيادها ويديه كَبِّلها
صحيح مانبغضه نغليه ونحِنِّه=لكن الأيام من يامن تداولها
قبل أمس يضحك بريم ونجره يدنه=واليوم يبغى النجاه ولايحصلها
خله يغني لنا والفن مِن فنه=قريحته مِصْغِرٍ دايم يبهلها
إن كان دَرَّت يجي في مهجته رَنه=وإن شحت وخالفت خله يشَمِّلها
ويْبَدِّل الشعر بالقرآن والسنه=هذيك قد صَمَّها وهذي يرتلها
وأكيد مايجهل الإدغام والغنه=مربي أجيال والكلمة يذَبِّلها