كل شكري ياحمامه واحترامي=والله انّك يالغلا تستاهلينه
كفو سلسالي وشالي وُّلثامي=كفو تاجي فوق راسك تلبسينه
يوم لبّستك وقلت الحين نامي=مثّلي دوري وامانه تتقنينه
(يُم) سرحت الصبح مازال الظلامي=يوم جمعه كل ناسي سارحينه
مع صلاة الفجر ولذيك الخيامي=والحطب بين النشاماا شاعمينه
وانبسطت وجيتكم كني حرامي=كل خوفي من خفير السجن وينه
وشافني وارهَى علي مْن الكلامي=ويتوعّد ويتهدد غابنينه
كيف مثّلتي علي يا للملامي=مادريت انك طلعتي يافطينه
والكفاله جاتك من امس بْوسامي=من زعيمك والسجن لاتدخلينه
والحمامه طير رااح مْعْ الحمامي=والسجن قد فيه ناسٍ ساكنينه
قلت شكري واحترامي والسلامي=للزعيم اللي بطيبه عارفينه