شبكة رواسي نجد الأدبية - عرض مشاركة واحدة

28-07-2017, 09:20 PM

دوك الثانيه

الوقت يابو عبيد في صاحبك مال ** ماهو على خبرك صديق الوساده
ولاتنشده وش غير الحال من حال ** جار الزمان وثار فيني زناده
بو عبيد همي لامفارق ولا مال ** ولا حله الدكتوربأكبر عياده
همـ/ ن قديما وسط قلبي ولازال ** وجور الليالي وسو الأقدار زاده
اتنى طلوع الشمس ليل الحزن طال ** وتطلع علي الشمس والحزن عاده
ودمع العيون الي قبل مابعد سال ** سال وياليته يابو عبيد فاده
قفى الزمان الي مثل اشبه الااال ** واقبل زمانٍ داكنٍ في سواده
واصبح خفوقي للهواجيس مدهال ** نوباً ضحى طرقه ونوباً هجاده
شكواي يابو عبيد ماهو تهوال ** ولا هي بشكوى من فقد شوف غاده
لا والله إلا كن في القلب زلزال ** لا واعويني فاقدآ للسعاده
قالو الصبر قلت الصبر طولة البال ** ولا غير هذا الصبر لوم ونقاده
والله مايصبر على الغبن رجال ** لو هو على صبره قوي الجلاده

رحيل ,حمد الحربي معجبون بهذا