يسعد مساكم .



‎أكتب عشان يشوف جاري الكتابة
وأظن حتى كتابتي ما لمحها


أشكي عليه شلون طول غيابه

روحه على طول الجفا ما نصحها

‎وأعلمه كيف الفرح صك بابه

ومشاعري عقبه من اللي جرحها


لدروب صده مالقيت الإجابة
لايخدعه ناس يقولون رحها

‎يدعيه قلب هو غذاه وشرابه
روح تشفّق له وصدّ ونبحها


وان كان طول الصوت ماعاد جابه
روحي تقول من الغرابيل بحها

‎أخذت لك قلب من الناس مابه
غيرك وكفه للمواصل صفحها


أخطيت في حقه وزدت الشقا به
وصان المحبة والخطايا دمحها

‎وأقفيت كنك مقفي لك بلابه
مشاعر حبك هو اللي طرحها

الجرح ودموع الحزن والكآبة
لو الشعر يبكي سنة ماشرحها

‎اكتب عشان يشوف جاري الكتابه

و اظن حتى كتابتي مالمحها

‎هذا بعض حزني كتبته ولابه
ألاّ جروح تنشدك عن فرحها

هذا بعض ماكان جاري الكتابة

بعض الحروف اللي غيابك فضحها

‎حتى اصبعي وقف معك بالنيابة

لاهاب دمعي والكتابة مسحها

ملكة الرواسي ,شيخـــة الغــيــد ,غزلان و 3 آخرون معجبون بهذا

ناصر الهواوي ,قرناس الحرار ,محمد الغنامي

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل