شبكة رواسي نجد الأدبية - عرض مشاركة واحدة

27-03-2017, 08:55 AM

أعترف لك يـ الدروب الطايله
يالثقيله حملك أتعب عايلي

لا نهايـه .. لا محطّــه دايله
وان تفرّعتي تزيد مسايلي

مــاتنــولين الـذي بك نايله
من سلكتك والعقل بي مايلي

من طعنتيني وقلتي حايله
ما انتهيتك ما سمعت القايلي

ما قضى نحبك عصور ٍ زايله
ما بدى من حاضر ٍ لك زايلي

بالنسب كنّك من ءآصل وايله
لابتي و فيـهــا أعـزّ خلايلي

يالنجــوم اللي بـ عـزّ القايله
وش تبين بـ حالي المتهايلي

السراب اللي كفوفـه طايله
لو صبرنــا ما يطـولـه طايلي

أكتب ومقصودي اللي شايله
و آتعـذّر كان قـصـّــر صــايلي

الطريق اللي بـ رغبه جاي له
مادريت انـّه بـ رعبه جـاي لي

مــا تـوجّـزت بــ قصيــد ٍ قايله
جف معناي و خــذآه السايلي

لي مصـابيح الليــالي مـايـلـه
بس منزالي جـفـــاه الخـايلي

سجين الرواسي ,شيخـــة الغــيــد ,شموخ الوايليه و 3 آخرون معجبون بهذا