لغير نفسي ياهوى البال ما الوم=لني تماديت ب/لعله وليته
صبرت ما يقرب من(400)يوم=في خافقي جرحٍ خطير وكنيته
واليوم ما اظني على الصبر ملزوم=حتى لو ابغى احاوله ما قويته
مرحوم ياحبٍ قتلتيه مرحوم=دك التغلي ساسه وهد بيته
من قبل ما تاصل به الروح حلقوم=جبت الكفن له والمغسل دعيته
وشلته على محني الاعواد محزوم=بقبلة وداع وللمشاعر نعيته
ومن رهبة الموقف غشاني كما النوم=ومددته بلحد الضياع وبكيته
ولحظة وفاته شفتها مبتدا صوم=وغيرك قبل موته ماوالله هويته
ولاهوب باول حب له قيل مرحوم=ولا اخر قتيل وكل الأرواح ميته
انف المعزي فيه بالحيل مزكوم=التعزيه ما تنسمع من نتيته