شبكة رواسي نجد الأدبية - عرض مشاركة واحدة

04-12-2016, 10:25 AM

خلوووووووووووووها

لي بالرواسي دار وانتم هل الدار
وانتم هل الطولات ربعي وناسي

وانتم على المقدار فوق ألف مقدار
و طويق و الطوقي مداها حواسّي

عشقي رواسي نجد يا نجد الأخيار
لن الوفى للأرض راسي وأساسي

يا دارنا دار النقا فيض الأزهـــار
يالنادر اللي يبن الأعمــاق راسي

يا نجـــد يالراسي بقلبي والأفكــار
فيك الشعـــر ينثر فرايد حـــماسي

فيك انت يانجد العذى كل الأشعار
ما ترتوي لو عمري ارواه كاسي

فيك انت عشقي مانشى مثله وصار
مالك مثيل و بالخفـــــوق مّتراسي

يا منبت الطيب النقي نجـد الأنوار
يا درعهـــــا يالشامخات الرواسي

فيك الوصايف شارد افكاراها طار
شلّع رفيفه فووووووق مالا يقاسي

دندن رواسي نجد هملل لها امطار
يسعد صباحاتك و كل الأماســـــي

وابرق سنى معزوفتي عشق واشعار
يكتب ســـوالف شعشعت لون ماسي

وصى النبي بالجار وانتم هل الدار
قومي هل الطولات ربعي وناسـي

صلوّا عليه المصطفى سيد الأخيار
هذا و تمت شـــــاردة جت براسي
بن رتيق كيبورد الآن

رحيل ,روابي ,المصممه الوايليه معجبون بهذا