طلعتي هماليل الشعر في شحاحة روح=وانا شفتها تمشي تخرفع مواطيها
بنت بالاماني وسط حزب السعد صروح=والآمال بددها من الجوع لاطيها
يصفق لها حزب المدمر بلا مصلوح=من اجل السلامه مخمل الهرج يعطيها
شجاني بعد ما امسيت سجع لبنات الدوح=وبي ونةٍ قشرا تقول امتباطيها
لطفا يالحمام بجارك المغرم المجروح=على قولهم يجزع من النار واطيها
الا يالحمام غناك وش يفرقه والنوح=رطينه وفطره من خلقت امتعاطيها
ثلثين البلى مكتوم وبثلث لكن ابوح=عن الربح كيف القى السلامه وشاطيها