أنا اللي في حروفي والمعاني من سـواد الليـل=واجامل والخفايا في صميـم القلـب مستـوره
وأنا اللي كل ماهب الهـوى زوّد علـي الكيـل=ولاطفني وقال بهمس صوت الحزن! معـذوره
وأنا اللي لاتهيض خاطري جتك القصايد سيـل=يحوّل بالحجر..حتى الشجر ويقشّـع جْـذورهـ
أنا اللي من قوافيها يطيـب الكيـف والتعليـل=ورود الفل والجوري على القيفـان منثـورهـ
أنا اللي حطها الله شاعره..هذا عـذاب الحيـل=الا ياليتنـي شاعر..يعبّـر صـادق شْـعـوره
أنا اللي ودي أكتب..بس أخاف القال واهل القيل=أخاف اللي على التحريف مفتونه ومسعـورهـ