شبكة رواسي نجد الأدبية - عرض مشاركة واحدة

12-11-2016, 02:43 AM

حبـر العتـب .. لـو سـال فـي دفتـر اللـوم

يمّديـه جـفّ .. ولا وصـل شـخـص غـالـي،.،

دكّـت ( مجاهيـم الجفـا ) .. مغـرب اليـوم
وأزريـــت أنـــوّخ ركـبـهـا فــــي خـيـالــي،.،

يـا صاحبـي .. والحلـم مــا يبـغـي نـجـوم
لـو لا القـمـر .. وش كــان حــال الليـالـي،.،

( غصن اللقا ) .. ما عـادت طيـوره إتحـوم
وفصـل الغيـاب .. يجفـف إللـي بـقـا لــي،.،

الحزن عاري ... لو لبّـس ضحكـي إهـدوم
ويـبــان بـ/ أطـــراف الـسـوالـف مـقـالــي،.،

( قيض السهر ) يجلـب معاصيـر وسمـوم
ولا أشــــوف إلا ( خـفــوقــي ) قـبــالــي،.،

أنشـدك ... ليـه البـعـد يحتاجـنـا دوم .؟؟
ويـمــوت بـعـيـون الإجــابــه .. ســؤالــي،.،

علّقت من شعري على صدرك ( وسوم )
إلـيــن كـــل ٍ عـــن وصـوفــك حـكـالــي

وأهديت لـك قلـبٍ ( قـوي صبّـر وعـزوم )
وأهـديـت لــي ريـــح ٍ إتبـعـثـر رمـالــي،.،

ولو ما كتبّت إللي بـ/ صدري .. من هموم
مـا كــان كــل عـاشـق جـريـح ٍ قـرالـي،.،

ليـه أنتظـر صبـح ٍ غـشـا وجـهـه غـيـوم
وأنـــا بـعـيـش الـلـيـل كــلــه لـ/ حــالــي،.،

ومـا ضنتـي بلقـى بـعـد غيبـتـه ( نــوم )
مـن ياخـذ عيـونـي .. ويـرقـد بـدالـي .؟؟

أطيب تحيآتي

محمد الغنامي ,الشموووخ ,الملكة معجبون بهذا