07-11-2016, 02:36 AM
|
#6537
|
|
بيانات اضافيه [
+
]
|
|
رقم العضوية : 1531
|
|
تاريخ التسجيل : Jun 2015
|
|
أخر زيارة : 13-11-2018 (08:45 AM)
|
|
المشاركات :
14,504 [
+
] |
|
التقييم : 8512
|
|
مزاجي
|
|
|
لوني المفضل : Hotpink
|
|
/
تسلية لزآآآآآآآتي
-
الناس ملت من علوم القروبات
نبي الصمايل مير مامن صمايل
يارب الارض ويابديع السموات
افزع لنا في امدلهم المخايل
من الاطلسى تنشأ المزون الثقيلات
يسوقه الغربي إليا ديار حايل
أيمن هدبها من ورا ضلع ابانات
وأيسر هدبها فى فروع المسايل
وتضفي على عرعر حد القريات
وجنوب ابها وعسير ومحايل
ويجي بشيره من حدود الامارات
لحدود رفحا والحفر والخمايل
ومن حقل وتبوك شرق لسيهات
وكل الخليج والدبدبه والتلايل
تاخذ ثمان ايام سحب وسوقات
منحه من الوهاب راع الفضايل
بعده بثلاث ايام للعشب عينات
كلٍ يشوفه مابها قول قايل
وعلى السبوع فياضها تقل غابات
يشبع بها الحاشي وأم الشمايل
وإن جيتها تمشي تزيدك مسرات
شوف السهال المخضرات الهوايل
والفقع يذكر له مواقع ووجهات
وكلٍ نوى يمه يشد الرحايل
وأما الربيع بكل ديرة له إثبات
توسع المخلوق عن ضيق عايل
وتشوف خلق الله بخير وناسات
وتبهج نفوس عقب ماهي غلايل
والناس بالبر اغلب الوقت قيلات
اللى مع اخوياه واللى عوايل
وبلادنا محفوظ عن كل ميلات
بجاه الذي عينه علينا تخايل
يحمي بلاد الخير بجهود قادات
عيال السعود مطوعة كل عايل
وعلى النبي ازكى سلام وصلوات
ماغرد القمري على راس طايل
|
|
|
|