ياعجيب وياغريب وهالزمن كله غرابه=من يصدق لو أقول الصحرى في وسط المدينه

الصحاري والمدن يا صاحبي صارت تشابه=من يدوّر فرق فيهن ياعسى ربي يعينه

ياعسى ربي يعينه ياعسى يجبر مصابه=من يحاول يفرق الثنتين يبكونه بنينه

من قرى شمس المعارف علته داخل كتابه=لا أنتصف لو تنشده ضيّع يساره من يمينه

ومن عجايب دنيتي بحرً من يطبّه غدابه=والجزيره اللي وسطه وسطها دره ثمينه

والبحر وسط النفود وناشياً فوقه سحابه=لارصيف ولامواني مامشت فوقه سفينه

والجزيره ما تبيّن من غثاه ومن ضبابه=غابةً والصيد فيها والذيابه محتمينه

قالو من فكر يجيها يا النشاما واعذابه=الأسد حامي حماها كلّبونا خابرينه

جيته بداخل عرينه جالس وحوله عصابه=مادرا ألآ أني أمامه واقف وعيني بعينه

قال لي يا كيف تجرء والأسد كلاً يهابه=قلت له من شاف نفسه طبعنا لازم نهينه

قام يزئر ثم قضبته وبيدي تلّيت نابه=ذيله براسه عقدته والكلبشه في يدينه

قالو أفراد العصابه من تغلّب يا هلابه=قلت أنا مابي ولآكم والأسد عندي رهينه

قالها اللي كلمته لا قالها فيها ذرابه=وفكرته لامن بداها تطلق قيود السجينه

لانحت تمثال روعه لبسه بأحلى ثيابه=يستره والستر واجب يلّزمه عرفه ودينه