الا يا اهل الهوى واهل الحميا عازف المسكين=لقيته جالسٍ برا السجن ويفرك عيونه
يلد بعين للماضي وللحاضر يلد بعين=يراعه له صرير ليا لمح بالسوق مزيونه
يدورها منين او قل يودي هالهموم لوين=يحك الطرس في سن اليراع وتضرس سنونه
وانا مالوم عازف لو بكت عينه لفقد الزين=هنيا كم صميدع غير عازف جنت جنونه

دام النزيل بهالسجن شاعرة نجد=وعدت مدمرة المدمر عليها
يامرحبا ترحيةٍ حفت بورد=وبدهن كمبودي تضمخ يديها
مع اعتدال الوسم واقبالة البرد=وقت اعتدال الجو كلٍ يبيها
حظ المدمر من فعل بنتهم قرد=عن عتق عايض قبل يدخل سليها
علي يابنت اللزم لزهب الفرد=وهجادها الليله وفيه اوعديها
لصرد بسهم الشرد ميدانهم صرد=وبمقمعه عازف ليا امسى يجيها