شبكة رواسي نجد الأدبية - عرض مشاركة واحدة

15-10-2016, 08:10 PM

‎السلام عليكم ورحمة الله وبركاته

‎اليوم جايبه لكم قصيده للشاعر \\ سلمان بن كويخ العازمي
‎ورد ملاك على قصيدته

‎للعلم : سلمان خطب ملاك مرتين ورفضوا اهلها

‎اسم القصيده:اكبر عيالج على اسمي لاتسمينه

‎قصيدة سلمان

‎انا ادري انج من اعماقج تحبيني!
‎واناادري اني غلاج اللي تمنينه

‎هذا مكانج مسيطر...مثرن فيني
‎في وسط ..قلبن لج الله..(ماتخونينه)

‎شوفي...غلاتج علي دربي تخاويني
‎وسلمان لولا غلاتج مدمعة عينه..!

‎من يوم رحتي..!وطيفج مايخليني
‎في كل يومن يجي ويروح من حينه

‎في قربج العام..كانت تضحك اسنيني
‎وليل الشتا (كم) يسريج وتسرينه

‎واليوم حالت مسافه...بينج وبيني
‎مالي جدا غير حلم ولاتزورينه

‎وصبحت متغرب وضايع ومسكيني
‎وانتي بعد من ظروف الوقت مسكينه

‎ياروح روحي..!ياعمري..(يانظر عيني)
‎يازرع قلبي وجنته وبساتينه

‎تكفين عندي طلب وابيج ترضيني
‎لاينكسر خاطرج لاشفتي (ازينه).

‎وابي بعد منج...لامنج ذكرتيني
‎ماتنزف اجروح قلبج من شرايينه

‎واخر طلب كل ماقوله يبكيني
‎(اكبر عيالج علي اسمي لاتسمينه)

‎يمكن مع الوقت والايام تنسيني!!
‎ويمكن (حليلج) من اظروفه تحبينه

‎ماني معزيج وانتي لاتعزيني
‎والحب لاصار ميت لاتعزينه

‎عقبج ترا مالقيت...اللي يسليني
‎وانتي بعد من...يسليج وتسلينه

‎وان ماقويتي فراقي!! ربج يعيني
‎ون ساء.. وقتج.. فسوي ماتسوينه!

‎ياوقت لانمت تكفا لاتصحيني
‎خلني علي نومتي والنوم يازينه

‎مدام صرتي من اعماقج تحبيني
‎(سلمان)...وشلون!! يصبر باقي اسنينه

‎رد ملاك

‎لا تــنــشــد الــقــلــب قــلــبـي حــيــل كــاويــنــي
‎عـــلـى ولــيــفــن شــراب الــعــشـق سـقـيـتـه

‎قــفــى عــشـــيــري وســال الــدمــع مــن عــينـي
‎وان كــان قــفـى عـشـيـري مــا تـنـاسـيـته

‎هــذاك عــمــري حــيــاتــي ضــحــكــة ســنـيـنـي

‎هــذاك واللــه حــيــاتــي حــيــل حــبيــتــه

‎واللــه اعــرفــه هــذاك انــسـان شـــاريــنــي
‎يـــمــوت فــيــنــي وانــا فــالــقــلب خــليــتــه

‎كــان الــفــراق الــقــدر يـــاربــي تــعــينـي
‎تــرحــم مــحــبن حــيــاتــه فــي رجــا ( لــيــتـه )

‎كـــانــت هــمــومــه هــمـومــي كــان يــعــنـينـي
‎كــنت اســـتــمع لــه ولا فــي يـــوم مــلــيـــته

‎والـــيــوم اعــيــش الــقــهــر والــهــم طــاويــنــي
‎ابــكــي نــهــاري ولــيــلي فـــيــه ممــســيتــه

‎يـــا نــاشــدن عـــن عــشــيري ( لــيــت تــعــفــيـنـي )
‎خــبــري بـــقــربــه يـــومـن اللـــيـــت طـــفــيــتــه

‎واســمــه تــرا اســمــه تـــطــرونــه يبــكــيــنــي
‎وشـــلــون فــي شــاشــة ( الــتــلـفـاز ) حــييــتــه

‎تــرجــف ضــلــوعــي عــلى شـــوفـــت نـــظــر عــيــنــي
‎اللــــه حــققــلــي حـــلــمــن كـــم تـــمــنــيــتــه

‎نـــذرن عـــلـــيــا لـــيــا مـــن طــــالـــت اســـنــيــنــي
‎( اكـــبــــر عـــيــالـــي عـــلـى اســـمــك كـــان ســميــتــه )

‎يــــامـــا عـــلى شـــوفـــتــك عـــنــيـــت رجـــلــيــنــي
‎وانـــتــه عـــلى ( شـــوفــتــي ) كـــل شـــي ســـويـــتــه

‎الــــعـــام لاغــبـــت لـــحــظــه قـــام يبـــكــيــنــي
‎وكــم مـــرتــن فـــي طــريـــق الـــحـــب بــكــيــتــه

‎يــــاللـــه يـــارب تــســتــر دمــعــة الــعــيــنــي
‎بـــعــيــون مـــنــهــو ســكــن قــلــبــي وداريـــتــه

‎قـــداام عـــيــنــه ويــبــحــث مــا يــخــلــيــنــي
‎واللـــه يـــذكــر زمـــانن فـــيـــه ســـلــيـــتــه

‎وهــــذاك عـــمـــري حـــيـــاتــــي ضـــحــكــة ســنــيــنــي
‎هـــذاك واللــه وربــي حـــيــل ( حبيــته)

صـدووودٓ ,الملكة ,النجلاء و 1 آخرون معجبون بهذا