يـاتـل قـلـبي مـن ولـيـفٍ تـنحّـا=تلّت جديد الجمس بارضٍ دكاكي
لاتـلّه الـمشـتاق مع خـب سحّا=مافوقه الا زل واربع مـراكي
سوّاقه اللي لحّه الوقت لحّا=ماهو مثل سمّار والى الحناكي
وثنين والثالث عريض الملحّا=صدره وسيع ولايعرف المشاكي
مغير للحانه تميل وتوحّا=ونصرتِ هش القلب صديت باكي
جعل السحاب اللي نشاء مايشحّا=شرق وجنوب وفوق ذيك الهباكي
يرخي هماليله وسيله يسحّا=يملا جراجيب الوطى والبراكي
يازين بالمشراف وقفة مضحّا=مبعد عن الزحمات والارتباكي
وياتل قلبي من وليفٍ تنحّا=تلّت جديد الجمس بارضٍ دكاكي