لاوالله الا جاتني حزة الضيق=وقامت تضيق بخاطري وتغديبه
أسرح بهمن مورقن بالمعاليق=ويرجعبي عاصوف الزمان ولهيبه
ويهز بيبانً بقلبي مغاليق=وسهر على مركاء الليال العجيبه
أيام راحت نحتزم بالمطاليق=الي على وضح النقاء نحتميبه
خوي جنبن مثل حر الشواهيق=مهوب مثل الي عدو لقريبه
حرن مهوب مقيدن باالمسابيق=الي اليا ضاقة على أنتخيبه
واليوم شفنا من العجب فالمخاليق=وقمنا نشوف من الوجيبه الغريبه
أصحاب تال الوقت فنجال لا سيق=مهوب كيفً للجروح العطيبه
اما مصالح بالرفاقه وتلفيق=ماتحتزمبه لاحدتك المصيبه
لاجيت يضحك لك ورز البواريق=وقامت ترف رف لك وجيهن غضيبه
حدتني الضيقه لبدع الطواريق=ومن عاشر الطيب يكفيه طيبه
اخذت من وقت العناء فوق مطيق=وانا على نفسي محب الغليبه
للهرج ميزانً ولصدق توثيق=والي خذاه الوقت بكره يجيبه