ولد روق
ياعايض لو تطيع الشور وتخلي بنات الناس
ليا شافن لوجهك صابهن اهموم واحزاني
تغانم تالي ايامك بروضة مسجد العباس
ترا معاد باق لك عمر ياعودنا الفاني
عايض جزاء
انــا مـابـي غـــواك اعـرفــك يـالـوسـواس يالـخـنـاس
وانا رجال صاحي ما استمع في شور شيطاني
لـك الله لـو اشـدك لاذبحـك ذبـح العـجـوز بـفـاس
عـلــشــان يـتــريــح مــــــن غـــثـــاك فــــــلان وفـــلانـــي
ولد روق
هذا والله وصفك ماهو بوصفي يبو نواس
ترا مالك شبيه الا الخميني ريس ايراني
ترا منته بلا عنتر ولا سالم ولا جساس
لو اني بس ادفك يمكن اطرح طقم الاسناني
عايض جزاء
تـقـولـه وانـــت مـحـنـي فـــي يـديـنـي حـنـيـة الاقـــواس
تـتـبـطـي عــظــم مـــــا خـلــصــت ديــنـــك يالـعـريـبـانـي
علامـك مـا تـنـزل غتـرتـك عــن فـمـك مـثـل الـنـاس
نبا الأعضاء تشوف الطقم حقك شوف الاعياني
ولد روق
علومك يالعصيمي كلبوها حبر في قرطاس
لياجات الحقايق نعرف الاول من الثاني
سنوني ماتوصف غير ياعايض بدرّ الماس
اخاف اعرض لها وافتن بها نجلاء وغزلاني
عايض جزاء
اليا بغيت ترمي شد الاخمس وافهق التربـاس
أبـــا اعـلـمـك وشـلــون الـرمـايـه وانـــت وجـعـانـي
ياليت ريوف تقدر ترسم سنونك على الكراس
نـبــا الـعـالـم تـفــرج فـــي كـهــوف جــبــال مــرانــي
ولد روق
انا ماني بخابر بيت ً يشيد بليا ساس
علومك خلها لك وعلَّم بها الطير حوراني
اشوف لبشتكم واذكر مكاري ياقوي الباس
بعد مثل بطولة فلم وضحا وابن عجلاني
عايض جزاء
علومي يالعطاوي من ذهب صافي مهيب نحاس
مـهــيــب عـلــومــك الــلـــي كـلـبــوهــا هــــــرج ورعـــانـــي
الـيـامـنـا لـبـسـنـا الـبـشــت قـبـلــه قــــد لـبـسـنـا الــطـــاس
وصـارعـنــا فـطـاحـلـت الــعــرب فـــــي كـــــل مـيــدانــي
ولد روق
علومك كلها خطبه وجمعه بين راس وراس
تبا تقبّر ياعايض وانت تخطب لام فستاني
انا خابرك وسط شهار وقفو دونك الحراس
وش اللي وصلك يابو جزاء لحدود نجراني