اللي علي اخلفك مايلحقه لوم =هذا العذول و كلنا عاريفنه
عليك كل اللوم من قبل واليوم=وش يعذرك لو تاخذ العذر دِينه
اغليت سومك وانتي ارخصتي السوم=واظهرتي قناع الغدر ترتدينه
وقسمت لك من صادق الود مقسوم=ورهنت لك قلبي وروحي رهينه
الواشي اللي ساق لك عني علوم=قد ساقها لي قبل واقسم يمينه
صديت جيش(ن)كله رماح وسهوم=درعي غرامك يوم كنتي ثمينه
طعنتني طعنت غدر كلها سموم=اثرك مع ركاب العدى مقتدينه
خليتي طيور الجزع فوقي تحوم=وقلبي من عروقه تفجر غبينه
اثري على درب الهوى كنت منجوم=عيني تشوف الشوك واقول زينه
واللي علينا نزل كتاب مختوم=ماغفر لك ذنوبك ولو بعد حينه
هذا كلامي صادر(ن)بعد مرسوم=يابعدك عن القلب لا ترتجينه