السلام عليكم ورحمة الله وبركاته
انتم تعرفون ان للذيب عند البدوي مكانه خاصه
حتى انهم تسمو باسمه مثل "ذيب"وسرحان ولايرضون عليه بالاهانه
وكبار السن يقولون قبل السيارات كانوا يمشون للسوق على ظهور الجمال
ويجمعونها حوالي 30 قعود ويقطرونها في حبل ويسرون الليل كله
وهم على ضهورها نايمين ولايصحون الا اذا وصلت ديارهم وبركت
لكن يحطون جمل يعرف الطريق ويسمونه دليله
وهذا الجمل له مكانته وسعره غالي ويتذاكرونه من ديره لديره
وانا قبل 6 شهور واجهت مواقف وذكرتها في عرض القصيده
والعود يقول انت بلشت فيني ماتدور الا علي
انا والله معجب في قصايد العود ولايهينون البقيه
الكل مميز في هذا المنتدى
وانا ماذكرتك يالعود فالقصيده من شان ترد عليها
ابد ياخوك ماذكرتك الا من معزتك
يالعود شفت الذيب فالحوض محطوط=في ظهر حمالي وشبكه جواره
في بابها الخلفي بالاسلاك مربوط=وكلب السلق راكب ورا فالغماره
يرجف من الراعه وبالحيل مخروط=ولا. زمن سرحان والله خساره
من اول عزه على القوم مشروط= واجدادنا سمت على اسمه نعاره
واليوم اشوف القوم تشبه عرب لوط=الجنز للركبه وتشرب سجاره
امكيج الخدين والدقن مزلوط=وخاتم حجر والماس بصبع يساره
وجاني من الموقف حزازات واقنوط=وضاقت بي الدنيا وعفت الحضاره
وقلنا على الردف نبي نقلب النوط=ب 100 ريال اخذ على الخيل داره
وجاني من ارض الهند سفله ومنقوط=رابط ذلول اقمر بذيل الحماره
يجر ب 10 ريال والحبل مشطوط=ياربعنا سمحان مقطور زاره
وابوك ياوقت به العقل مفروط=وقت على الماضي سريع انحداره
خاص وحصري
شبكة ومنتديات الرواسي
