يامن لقلبٍ كلما ذعذع النود= وهبت نسانيس الهواء من جهتهم
تعداد دقاته من اللهفه اتزود=ومشاعره طارت لهم و احتوتهم
مع الخيال يسافر الفكر ويعود=وتسرح به اشواقه ويمسي بلدهم
يعرض على الشاشه صور لين العود=ليا عاد به من دارهم ما وجدهم
ويدك به هم وحسوفات ولهود=وناسته منهم وسلواته إبهم
قلبٍ خضر ميلاف مع حظ مقرود=وعدم قناعه بالوفا في وعدهم
دع هالكلام اللي خليٍ من الفود=يالصارم لسوق الحشو بكره اجهم
نبي غدانا للمساجين مفرود=لاشفت بارقهم ولا اوحي رعدهم