قالو رماح وقلت هيّا على ارماح=واطيه من قدمية الصيف رشّأ
مالي عذر يوم المطر فوقها طاح=قصدي اوّسع خاطري واتمشّأ
ولاشفت غير اللي ثنياهاوضّاح=حوريةٍ بسبابها الحال نشّأ
راحت وراح القلب ورماحها راح=ماهي نصيب ولاقريبة معشّا
ولاعاد به رّاحه ولاني بمرتاح=ياليت زملي في شفا نجد عشّأ

اثرك مغربل من هواء البيض ياصاح=وقلبك من الفرقاء طريٍ وهشا
مقفي وقلبك ممتلي غل وجراح =وعلى عراق القلب كنك موشا
الليل تسهر به لفلاج الاصباح=وتجمع شتات الفكر من عقب طشا
بسباب ضبيٍ بأسود الرمش ذباح=اقفاء وحبه حش ضامرك حشا
اصبر عساء همك مع الصبر ينزاح=لو هو تغداء من حشاك وتعشا