يابو خدٍ تخاطفه المزون الغرّ .. كيف الحال؟=الك خصرٍ يكابر ويتثنّى .. ميـر مـن حقـَه
والك جيدٍ معاذيره تبرر كبوة الخيَال=ورى بوشٍ تقفَاه وعرض له بكرةٍ حقَه
والك عينٍ ليا كفّت محاجرها وطـار الشـال=انا في وجهك استرها .. ترى قلبي على الدقَه
هدبها تنكسر دونه وتقصـر هقـوة الرجـال=ودمعتها ليا طاحـت تسابقنـي علـى الرقَـه
وانا حظَي عليه يسوقني ويردني فالحال=ذبحني نعنبوه وحثَ فكري جلَه ودقَه
يجيني لانهرته ويتغرشدني وسيع البال=ويقفي كل ماهمَيت فيه اقفاية النقَه
والا يامال فرقا العين مـن عينـك ولا يامـال=يطق القلب لا لديت .. والطقه هـي الطقـّه