شبكة رواسي نجد الأدبية - عرض مشاركة واحدة

05-03-2016, 03:13 PM

يازين بالله ماحصل منك كافي
خل الركاب تسير ربي امرها
اعطيتك الفرصه ولا انته بوافي
وعدك مثل عج(ن)تقفى مطرها
ماعاد لك عندي رصيد(ن)اضافي
هذى غراس يديك واحصد ثمرها
صفيت لك لكن مانته بصافي
نفسك عصيه غارقه في قشرها
تلومني وتقول ليه التجافي
وانا الذي شوفتك كنت انتظرها
تسهر عيوني وانت بالنوم غافي
ومن عادة العشاق يكثر سهرها
ياما علشانك قطعت الفيافي
و على خطاك اسير واتبع اثرها
حبك بحر ماشفت له من مرافي
ومركب غرامي دون بحرك قصرها
اليوم قلبي من هواك متعافي
تو انورت دنياي فبهى صورها
هلت غيوم الوسم بعد الجفافي
واسقت قفار(ن)يابسات(ن)شجرها
وانزاح هم(ن)داخل القلب خافي
سود الليالي صار يضوي قمرها
يكف السنين الماضيات العجافي
اسقيك صافيها وانا اشرب كدرها
لاتنتظر ماني بناظر خلافي
نسيت حتى صورتك مافتكرها

صح لسانك وبيض الله وجهك ,