من واقع ً شفت له مصدوم=بروم بنت السعوديه
يغيب نجم وتطل نجوم=بأسماء ونكات وهميه
ناس ً تحاول بعشر رقوم=تبني علاقات سطحيه
الحب وقت ً مضا معدوم=روّح مراح الهلاليه
وحب الشرف غير حب اليوم =ماهو سوالف رومنسيه
يضحك على البنت وسط الروم=باوهام واحلام ورديه
وقصده ترا واضح ومعلوم=ذيب ً يدور على ضحيه
وليا تمكن من المقسوم=يبيعك بنص ربيه
ويحط صورتك عرض البوم=مابين ذولا وذوليه
وليا تنبهت صح النوم=مأكل غلطه بعفويه
بلاش ضيم وقهر وهموم=لاتصيبك أمراض عصريه
من الخطا ماحدن معصوم=درس ً واخذتيه يابنيه
عن عرف هاذا ومثله شوم=والشمس ماهي كما الفيه
في رفقته منته بملزوم=مالك ومال الحونشيه
وانا عتيبي قوي عزوم=من لابتن نارهم حيه
ولنا تقاليد ولنا سلوم=وصروح بالعز مبنيه