عديت العصر يامسندي فوق راس العرق=الضيقه حدتني للنقا لين عديته
عسى الله يكون بعون جفنن بدمعه غرق= ابكنه رسومٍ دارسه يوم مريته
اجاوب بقافي فوق راسه حمام الورق=ياليت القصيد يوسع الضيق ياليته
وانا اسباب مابي من عيونه وساع وطرق=سقى الله مكانٍ فيه جاني ولاقيته
اجنب لابغيت الدرب لوحاجتي بالشرق=ولا ادري بحالي لين اوقِّف على بيته
على رغم حرقه لي بكثر التغلي حرق=فراقه هو اللي مابعمري تمنيته