عودي علي بخير ياليلة السبت=وعيدي على النفس الرضيه رضاها
عقب الشقاء والياس والهم والكبت=ومصارعة شهب السنين وغثاها
جتني تسوق الرجل يمي ورحبت=باللي بها الاشواق تدفع خطاها
اغضت برمش عيونها يوم قربت=وشالت عن الغر العذايب غطاها
هيه حضرت منه وانا من هنا غبت=فـ الليله اللي عاليٍ مستواها
وجهٍ حسن ومداعب امواج والنبت=ثلاث للروح العليله دواها
واستغفر الله لو تهورت واذنبت=والله يسامحها ويدمح خطاها
جرت خطايه للهواء عقب ماتبت=وردت لروحي عقب شابت صباها
اشملت في حب اريش العين واجنبت=وطاوعت نفسٍ هايمه في هواها