سهرت ليلي والسماء تشعق ابروق=تبرق وترعد والمطر في قفاها
في خايعن نبته اخزاما وزملوق=هذا هوى روحي وغاية مناها
بروقن تلاعق في السماء تعجب الموق=فيها من الرعاد ضجت سماها
هلت وبلت ورتوى القاع برفوق=معاد نلحق لوبغينا ثراها
خدن بها من كل عشبة ورقروق=قفرن من الدواج محدن وطاها
لا نسنس الشرقي حيا جملة عروق=اعروق خفاقن تنسم هواها
ريح الخزاما والنفل ساعة شروق=تجلي عن النفس الشقيه شقاها
مغير اسلي خافقي ونهمة فوق=والله يجير ه من شطون كماها
فينا من الدنيا غرابيل و طروق=والرابح اللي سالمن من غثاها
دنيا العناء بذت خفا كل مخلوق=الله يعين اللي تجرع بلاها
مره توريك العناء ومرة تروق=ومرات واجد تتعبك من رداها
طيب المعاني دايماً حسن منطوق=فيها فوايد تعجب اللي قراها