أنا البارح هواجيسي موردها على هداج=على العد الرهاوي جالها ياصاحبي صوله
من أول ليلها لين الظلام من الصباح انباج=وعيني عن مصافح جفنها بالغصب معزوله
انا لاني مريض ولا فقير ولاني بمحتاج=واعيش مع الربع في ديرةٍ بالناس ماهوله
خويي من بعيد ومن قريب ابلج طليق حجاج=ما اخاوي واحدٍ وقت اللزوم يضيع مفعوله
ولاكن لاطرالي صاحبي عجلت بالمنهاج=ابو عينٍ مثل عين الوحش وشفاه معسوله
احبه والمحبه للقلوب اقوى شقاء وازعاج=ولو ماهوب وافي ليه افكر فيه وشهوله