بنت شيخ ن خذاها ورع قوم ن بليد = وزادت البنت من ثوب الفرح غلها
ما نشدها ولا هوا خابر ن وش تريد = بنت ن تراود افكـاره تبـا خلهـا
كنه بيده يقطع من حشاهـا وريـد = ما حشمها اللعين وليت يفطن لهـا
تسحب الرجل خلفه كن فالرجل قيـد = نعنبوا جـده الملعـون قـد ذلهـا
أوقد النار من بين المحانـي وقيـد = يوم شفته على درب الـردا دلهـا
مسلمه ما تصوم ولا تصلـي أكيـد = لو قرت هود والاحزاب إلـي كلهـا
جات ابوها تشيل عيالها يوم عيـد = مـن بعـد خلفـت رجالهـا ملهـا
عده أحفاد جابت والمصيبـه عبيـد = وماتت البنت والضربه على حلهـا