ياوجد حالي... كل ماسج ياحمـود=ياحمـود حبـه زاد ياوجـد حالـي
لاسج بالي... سج في ريـن العـود=اذكـره يبـن العـم لاسـج بالـي
بكل الليالي... ساهر وغيري ارقود=ماغاب عـن بالـي بكـل الليالـي
الليل طالي... وهمي يزود ويـزود=واقول باح الصبر والليـل طالـي
الحلو غالي... بالغلا مالـه احـدود=ويدوم حبـه دامـه الحلـو غالـي
ماله زوالي... عقد بالقلـب بشهـود=مـادام قلبـي حـي مالـه زوالـي
حلون وحالي... زهرتن كلها ورود=ذوق وجمال وزين حلـون وحالـي
مثل الهلالي... واطيب ابزين محمود=يشع نـوره ظـوء مثـل الهلالـي
ياهم الالي... قبل لاينهـش الـدود=جسمي ...اظمه ليت ياهـم الالـي
حالي ومالي... فدوته كـل ماجـود=ارهن لشوفه كـل حالـي ومالـي
فأول وتالي... جعل ماعنه مصدود=يالله تجيبـه لـي فـأول وتـالـي
يارب عالي... الهواء يجرح اكبـود=اطلبك جيب ادواي يـارب عالـي