بينى وبين الخـل حلـو التعابيـر=وبينى وبين الولف شـوق ومـوده
حبى له أغلى من كنـوز الدنانيـر=يسهر على راحت قليبـى لوحـده
اله الغلا والشـوق كنـه نواويـر=يزهر وينبت فى الرياض المصـده
بالعون أخذ قلبـى وكـل التفاكيـر=متربعـن وسـط الحنايـا بــوده
أصبر على سود الليـال المعاسيـر=لعيونكـم يــا دم قلـبـى وورده
انتم ضوى عينى لعينـي مناويـر=لعيونكم بكتـب قصيـدى وأعـده
ياجعـل عينـى فـدوة ٍ للمناعيـر=يشهد على ما قول ربـى ووجـده
واللى حدى حبرى و نزف المشاعير=اجروح قلبـي يـا مـلا مستبـده
خلونى اسج الفكر وين ما يصيـر=وارحل مع الهاجوس دايـم وسـده
والشكر لله فـي جميـع المقاديـر=وانا احمده في كـل يسـرٍ وشـده
الأصيلة بنت ابوها