.
.
.
.

هذه القصيده موجهه لي من الشاعر/ سعود الحافي
.
.
.
.

ياهجوس الشعر شبيها وقايد=أوقديها شعلةٍ تآكل حطبها
كيف جاء فالسالفه ناقص وزايد=وأختلف فيها الفهيم إلي حسبها
عقب عطلة عيد جعل العيد عايد=والليال الله يكافينا نشبها
يالعصيمي جيتكم شاعر معايد=والعرب ماجيت أبــ/ دور غضبها
جيت أبـــ/ألعب مع وسيعين البنايد=مار عدمين الثقه صاروا سببها
والله إني قبل هاذيه محايد=ولحية الرجال تحمى عن شنبها
يالعصيمي صار فالدعوى نقايد=وأنته اللي ضدها وأفرق شعبها
والعلوم إكبار والدنيا سهايد=وأستوى راس القضيه مع ذنبها
وكل واحد قال أناء للعلم قايد=وأعرضت له يالعصيمي ثم عقبها
والرجال تبين في وقت الشدايد=والشدايد علمتنا في عربها
لبسوها يالعصيمي بالقلايد=ودفنوها ودفنوا معها عتبها

.
.
.
.
وهذا ردي على قصيدة الشاعر/ سعود الحافي
.
.
.
.

من هجوسٍ ماهفت بين النقايد=لااحتمى الميقاف تسعف من طلبها
عجلةٍ ملبوسها شرد الفرايد=تفتخر بالقرم يومنه خطبها
مرحبا ياللي تقول العلم كايد=نحمد الله والعوافي جيتك ابها
لاتشب النار في خضر الجرايد=وأنت بـاخر حولها تاكل رطبها
وش تفيد النار ماللنار فايد=الله إنه يحتمينا من لهبها
ياعميلي والجروح الها ضمايد=والنقاده ماتفيد اللي جلبها
والدعاوي حلها حسب العوايد=والركاده مايخيب اللي كسبها
والخساره في قليلين الفوايد=والحقايق ماجهلها اللي كتبها
بلغوا من رتبته بالجيش رايد=السريه لايقرّب من غضبها

.
.
.
.

.
.
.
.

البقا يا شاعـر ن للقـاف قايـد=والجزاله تعتزي به ما غصبهـا
كنّها دلـه عليهـا الهيـل زايـد=سعد راس ن شمهّا لو ما شربها
جيت طاير مقتفي حور الطرايـد=يوم ولد الذيب يطرد مـا غلبهـا
والرساله للـذي جاكـم معايـد؟=او لماشي خطوة قبل ايحسبهـا؟
الوكاد إني على الخـط المحايـد=والبنادق ما اتفّيـا فـي قصبهـا
بس قافك ما رقا غيـر السنايـد=والمراجل ترتجف له من طربها
كنّه الاّ من فزع وقـت الشدايـد=للذي ناره تعنّـت مـن حطبهـا
يالعصيمي طابت اجروح ن جدايد=يوم بك شرق الجزاله ما غربهـا
والبطوله كاسهـا قبـل القلايـد=للـذي عـد الفرايـد وانتخبهـا
وكان قافي حاسبينه اوف سايـد؟=الشرف في فكرةٍ جتـه ولعبهـا

.
.
.
.