شبكة رواسي نجد الأدبية - عرض مشاركة واحدة - يــا " رضـاها " وقف وناظر شوي,شف " غـلاها " إيش سوى بـ شخص حي ~

08-01-2011, 04:47 AM

شفتها يا نايف صدفه بعد ما غابت سنين
عند قسم المختبر وسط مشفى الجامعه
جيتها ثم قلت في سؤالي تسمحين
ناظرت فيني بدهشه نظره متواضعه
قالت انت تحسبني من بنات صآيعين
تحسبني في زماني عن طريقي ضايعه
قلت انا ما راح اطول كل ابوها كلمتين
وابعدت عني شوي ثم جتني راجعه
قالت اسئل واضح انك من رجال طيبين
بس هرجك يالسنافي كان وشو هو دافعه
قلت انا حبيت وحده يوم كنا صغيرين
ومن ثمان سنين راحت للمواصل قاطعه
عقبها ما ذقت نوم يهتنيبه النايمين
ساهر في طول ليلي لين شمسي طالعه
اذكر انه فيه حبه فوق ثغره من يمين
واذكر لا جرينا كن شعره تابعه
واذكر انه عاشق الورد والياسمين
وصار قلبي بالورود زارعه
طابع اسمه بلقبي فيه هاء وفيه نون
وفيه واو وفيه فاء وسط قلبي طابعه
قاطعتني بقولها سبحان رب العالمين
كررتها مره .. ومرتين .. ورابعه
قلت وشفيك وشبلاك يا بنيه ترجفين
ليش عينك يا بنيه من كلامي دامعه
قالت الموقف وقلبي والمحبه والحنين
كيف اشوفك بعد ما كنت عنك قانعه
قلت ابسالك ان كانك انتي تذكرين
عن مواثيق ثمنها من حياتي دافعه
قالت ظروف الزمن ما تطيع العاشقين
بيعوني غصب حبك لو هو ماني بايعه
انا في دنياي حالي كنها حال السجين
حتى لو فكو سراحه فيه شيء مانعه
زوجوني غصب واحد وحرموني حاجتين
السعاده في زماني والحياه الرائعه
والحين انا ام لثلاثه ريم وياسمين
والولد اسمه على اسمك والمشاعر جايعه