مبروك عليكم الشهر الفضيل
ورزقنا الله واياكم صيامه وقيامه

وعذرا للانقطاع

وهذه ابيات عسى أن تشفع لي طول الغياب

:)

جبت اللحن مسحوب لو فيه تغيير = خذ منه ما طاب إلك قبل المنامي
ما انام لين اقول تصبح على خير = يا اللي تقول اني معودك انامي
و اهدي لك الورده ولا به مخاسير = و انته تمن الورد هذا حرامي
و الورد في كفك سوات النواوير = في روضةٍ عُلت صدوق الغمامي
و اقوم لك من قبل تغريدة الطير = واصبحك بالخير, صار التزامي
يا ذاهبه يا مذهله للدواوير = يا درّة (ن) من دونها الموج طامي
لا تبهتين و تشغلين التفاكير = ولا تظلمين و تفرضين الظلامي
لك في عروش الصدر مركز وتقدير = و لك في قوافي الشعر عزف المقامي