أقول أبن جدعـان شاعـر ويكفيـه=فخـر العتيبـي يـوم زاد المنـادي

يكتب لجل طيـب العـرب ياموديـه=بين الغنـا والفقـر عـدد وفـادي

شخص(ن) يزود القاف باللحن ويجيه=ويسامر القمـرا علـى كـل غـادي

يجمع حروف الشعـر ياكـل مافيـه=ويصمم احساس الرقـي والمبـادي

ماهمه الا ناس(ن) تفخـر بساميـه=اليـا ذكرهـم بيـن ناشـد وبـادي

والوقت هـذا راح ياكيـف ترجيـه=خلا شيوخ القـوم تحـت الرمـادي

وانـا هنـا بكتـب واعـدد مباديـه=وتقولـو الشـعـار شــدد وزادي

أي والله أبـدى بالمشاعـر ومافيـه=غير الشيوخ اللي وصوفـه عمـادي

افخر ليـا جانـي مسيـر وابعطيـه=حشمه وقيمه فـوق عنـد الزيـادي

ماعنـدي الا دلـة الطيـب توفيـه=وأجمل كلام الطيـب وزود الـودادي

ولا علوم أهـل الـردى مالنـا فيـه=كل الكـرم والطيـب مافـي نقـادي

وأحاول أكتم خاطـر النـاس ياهيـه=لكن تعـرف الـرد ياشعـر هـادي

يوم إن أبن جدعان غنى على الايـه=من شان تعرف شعره اللي يشـادي

بيوتـي اللـي قلتهـا يـا معانـيـه=من قلب صافي مايعـرف الحقـادي

واخر كلامي ياهـل الشعـر مافيـه=مافيـه داعـي نستمـع للجـمـادي

ماعنـدي الا دلـة الطيـب توفيـه
وأجمل كلام الطيـب وزود الـودادي
ولا علوم أهـل الـردى مالنـا فيـه
كل الكـرم والطيـب مافـي نقـادي



الله الله
صح لسااانكـ ولله دركـ على القصيده الجزله
رائعه عسى تسلم الايادي
ولاتحرمنا جديدكـ
تحيتي

ماعنـدي الا دلـة الطيـب توفيـه=وأجمل كلام الطيـب وزود الـودادي
ولا علوم أهـل الـردى مالنـا فيـه=كل الكـرم والطيـب مافـي نقـادي