ياصاحبي لو ماتعذرت معذور = روح ولا يلحقك مني ملامه
انا ادري انك قلتها وانت مجبور = لو انها تحسب لمثلك رخامه
لو كان مابك قاصر ولابي قصور = المخطي احسن له يوفر كلامه
تبي تطول النايفه وانت مكسور = والنايفه تبغى عزوم وشهامه
تبي صقور مثلنا منبع صقور = وانتم مرابيكم بعش الحمامه
حنا تعبنا للعلاء نبني قصور = ماهمنا رمح الزمان وسهامه
نقصم ظهور رجال ونكسّر صدور = وسالت دمانا للفخر والكرامه
مانرتجي بفعالنا شاهد الزور = يوم ان بعض الناس فعله كلامه
النور نور الشمس مايشبهه نور = ولا غطته عن الخلايق غمامه
عشنا برفعت راس مانقبل الجور = وانته تبيها بالرخاء والسلامه
ماهو بكيفك تهدم الظلع ياثور = ارفق على قرنك وقدر مقامه
واليوم مامن شور ياراعي الشور = قدمك عصيميٍ شهر عن حسامه
ان كانها بالدور مايلحقك دور = نقلط على الكايد وناخذ سنامه
وان كانها بالفعل فالفعل مخبور = كلن عرف قدره وجود حزامه
حنا ليا ذكرو من الآد منصور = هاب الشجيع وراح مثل النعامه
والآد ناصر ربعنا كننا سور = طوبه على طوبه شموخ وزعامه
وباقي القبايل نعم مافيه قصور = من ذم خلق الله يذوق الملامه
اقولها ياصحبي وانت مشكور = وانا وربي مقبل الانهزامه
وان كان تبغى الصدق ياخوك مقهور = لو اعذرك .. تبقى بعيني هلامه

وباقي القبايـل نعـم مافيـه قصـور=مـن ذم خلـق الله يـذوق المـلامـه