السلام عليكم ورحمة الله وبركاته
اخواني الاعزاء تقبلوا مني هذه القصيده عسى ان تنال رضاكم
وكما اتقدم بالاعتذار من الشاعرين الكبيرين محمد الروقي ومحمد القسامي
على الانقطاع بسبب بعض الظروف ودمتم بخير وموده

ابدي على روس الشواهيق واصيغ = اصيغ قافي مثل سبك الشماغي
لو مكسبي من قولة الشعر تفريغ = الي بصدري من همومٍ طواغي
هذي تكفيني ومن دون ترويغ = وشهو له ادوش بالمظاهر دماغي
وافرح ليا شفة الرجال النوابيغ = الي حكِيهم ما لفى من فراغي
قومٍ تجيب العلم مع حِسن تبليغ = خير الكلام الي بحكمه يصاغي
قومٍ ليا كثرة عليك الدوابيغ = وجرية صوتك تاجد الكل صاغي
تاقف معك لا غربلتك اللواديغ = ما منهم الي لا نقل حِمل راغي
ما منهم الي حط للوجه تصبيغ = والله ولا فيهم رديٍ وباغي
الي ليا جيته تبى عونه ايزيغ = بلمح البصر لا احتجة اله عنك زاغي
نصوف الرجال مقلبين الصواديغ = لا شك ممشاهم به الوقت لاغي

نصوف الرجال مقلبيـن الصواديـغ=لا شك ممشاهم بـه الوقـت لاغـي