ما مات منهو مثل موته سعدهم = محد ٍ يموت الا فيوم المنيه
لو يزرعون اله اللغم في جسدهم = مزروع حبه فالقلوب الوفيه
والله ما خلو جهد من جهدهم = ولا حصلو من ما يريدو شويه
بسلامة الي من حياته نكدهم = قمنا نغني باللحون الشذيه
محمد ولد نايف ما مثله هجدهم = فبيوتهم يوم النواظر غفيه
امهل لهم من شان دمعة ولدهم = يخشى على دموع العيون البريه
لو كان صبو حقدهم في بلدهم = وقف لهم ناصح يريد السويه
ما اهتم منهم لو تزايد عددهم = يكرم عن هموم النفوس الدنيه
واليوم من طيبه تزايد حقدهم = تبطين عن وكر الصقر يا عليه
ما ياصلونه وان بغاهم وجدهم = في ساعة ٍ فيها الدقايق بَليه
يجيبهم لو هي تزايد عقدهم = حلال صعبات الامور البغيه
من وسط لندن لين كابل مددهم = ويخسون عن ممشى الديار النديه
على ديار العز ثاير حسدهم = يغيضهم ذكر العلوم النقيه
دار السعود الي ربح من قصدهم = قومٍ على صعب المواقف جريه
قومٍ كتاب الله دايم سندهم = تحكم بشرع الله وسنة نبيه
وقومٍ تعاديهم حفرنا لحدهم = محفور في ذيك الديار الخليه
تكرم مقابرنا وبكره وعدهم = قوم الفتن دنيا مع اخرى رديه

المشاركة الأصلية كتبت بواسطة محمد القسامي (المشاركة 61077) ألف الحمدلله على سلامته درع الوطن ونسأل الله له ولولاة الأمر البقاء وتمام الصحة والعافيه ليست غريبه على من يحمل الشعر بأمانته وينتمي للوطن بكل شيئ صح لسانك ياسامي وكلك وجعل السعد مايملك ودام هالوجود بكل خير وموده