مرحبا مرحبا بمطير واهل اللزوم = بعد مابنشرو شهرين فالمقطعه
ادري ان العرب ما يجهلون السلوم = بس وش حدهم يمشون فالمعمعه

البقا يالعتيبي والبقا بالقروم=بعدماا شفت ربعك مالقو منفعه
الضعافه تراها من طبوع الرخوم=مير عدّل كلامك قبل لاتطبعه

يابن عباد منته من خطاك امعصوم = اطمعو في شعيل اشعيل وشهو معه
الضعافه جحدها اللي بدمه تدوم = منطقي بالوفا يارجل كل اسمعه

الخطا من جهتنا مايجيك امحشوم=وسم انته وضعته لازم ان تجرعه
لبسوك الثياب ولالقو لك كموم=كيف طيحتك ياغازي لفت مسرعه؟

واضحه واضحه في وجيهكم والخشوم = كيف تجحد بفعلك بعد ماترمعه
مكتسي بالشرف في كل لحظه ويوم = مار ياناس منور غصب با سنعه

اثر صدرك ياغازي ممتلي بالهموم=خلّ عنك الدوادي واترك الصرقعه
ارفع ارويسك وناظر وعد النجوم=انت ضاري على التهميش والجربعه