ذكرتك ليلة البارح
 

قصيدة لم تكتمل ..........

ذكرتك ليلة البارح وهاج بداخلي الأحساس=قعدت أقول وسولف على نفسي عن غيابك
تعالي ونظمي عقد الأمل لاتسمعي بلاس=ورقي ورحمي قلبٍ يهم بروعة اهدابك
ربيع الوقت لاهبت علي من يمكم نسناس=بكل حساس عانقته والمته ليش ماجابك
سكنت بداخلي فرحة بمجرى الدم والأنفاس=سريت الليل مع طيفك أهيم بصفحت كتابك
حرام إنك تجافيني وتترك صاحبك محتاس=مابين البعد والوعة تخلي أقرب أحبابك

وسلامة الجميع

سلمت شاعرنا
صح لسانك مليون
يعطيك العافية ولا هنت

صح بدنك ومشكورة على المرور الجميل
يعطيك العافية

صح لسانك مدد
نص فاخر
يعطيك العافيه شاعرنا
دمت بود

صح بدنك حبيب قلبي خيال ولاهنت
اسعدني مرورك

الله الله
القصيده مكتمله بروعتها وجمالها
صح لسانك ودام ابداعك جزل وشهادتي فيك مجروحه شاعرنا
دمت ودام مداد قلمك ورقي حرفك الفاخر
تقديري وتقييمي لسموك
النجلاء

صح لسانك مدد
نص فاخر
يعطيك العافيه شاعرنا
دمت بود
كل الشكر على المرور المميز مناهل
اسعدني كثيراً لاعدمتك وبالتوفيق