|
رواسي نجد
السلام عليكم ورحمة الله وبركاته
وأسعد الله أوقاتكم بكل خير وسعادة وكل عام والجميع بخير منتدانا رواسي نجد أو المنتجع الشعري والثقافي له في قلوبنا وإحساسنا مكانة خاصة ومتنفس سياحي على حدائق الحروف والشكر للجميع في كل المشاركات .. وأخص مديرنا محمد الغنامي وصاحب الموقع لإتاحة هذه الفرصة الثمينة .. ونشكر ونقدر جهوده لتحمله أتعاب إدارته وتكاليفه .. كما نشكر المشرفين والمشرفات وللجميع أحلى وأبقى تحية ،، ^^ مشاركة متواضعة للمشاعر بما تحمله لهذا المنتدى الأصيل . وتاج القصيد. ( رواسي نجد ) ^^
أيا ساق حث السير وأزبن على مرساي = لنادي الرواسي وأنجد السير بالخطوه ومنك السموحة لو تعثرت في ممشاي = غياب الفتى لو طال ما يعتبر جفوه من الشهر وأكثر ما توسدت لي مركاي = ولا ساقني حظ المسافر على بهوه وجيت أحمل أشواقي وباقات في يمناي = وأسلم عليكم وأرجي الله في عفوه تراك أنت مثل المنتجع وأنت لي مقهاي= وصب القوافي فيك هيلٍ على قهوه شربنا عذيب الشعر شرب الشجر للماي = وصافي زلاله من شواعيرنا الصفوه ليا عدت للذكرى يجر الشعور أخطاي = وتتجاذب أطراف الضواحيك والبكوه تسالي وبعض أحيان تصلى حدود أقصاي = ليا صلصلت بالقاف والشعر له سطوه جمعنا رواسي نجد كلن يقل ملفاي = وحبل الروابط بيننا خوّة ونخوه غنمنا الصداقة والمحبة وكسب الرأي = ونشكر( محمد) زود والكفو من كفوه ^^ ودمتم سالمين |
ياهلا والله شاعرنا وكل عام وانت بخير
ياسلام عليك وصح الله لسانك ملايين كفيت وفيت وبيض الله وجهك على هالدره الرائعه العذبه مبدع وجزل وشهادتي فيك مجروحه ورواسي نجد تفتخر بوجودكم وعطائكم وتواصلكم المشرف تقديري وتقييمي وختم التميز لسموك النجلاء |
وعليكم السلام ورحمة الله وبركاته
واوقاتك اسعد واجمل وابهى وانت بخير وصحة وسلامة شاعرنا تقبل الله طاعتكم وصح لسااااااانك حتى ترضى لا يستغرب الوفاء من الأوفياء امثالك ولا يستغرب الإبداع كفيت و وفيت وبيض الله وجهك على هالجزلة الوافية الله يطول عمرك والف شكر لك على الكلمات الرائعة لاهنت تم التنسيق مع النشر بتويتر وتثبيت القصيدة |
عليكم السلام ورحمة الله وبركاته
ياهلا والله اخوي القدير عبدالله الدنيش كل عام وانت بخير وصحه وسلامه صح لسانك مليون شاعرنا ابداع غير مستغرب دمت بخير ولاهنت |
وعليكم السلام ورحمة الله وبركآته
هلا بك شآعرنا الدنيّش ويسعد أيآمك وكل عآم وانت بخير وصحه وسلآمه ما أجمل الوفآء من أهل الوفآء وصح لسآنك مليوون ولا يكفووون على القصيده الجزله والأبيآت الرآئعه ويستآآآهلووون روآسي نجد. |
عليكم السلام ورحمة الله
وصح لسانك شاعرنا ولاهنت على هـ الكايفه الناايفه والابدااع تقديري للشعر الفااخر,’’ |
اقتباس:
^^ يا عساك سالمة وغانمة عزيزتنا النجلاء وشكرا على شعورك الطيب وإشادتك الكريمة وتقييمك الفاخر .. والنادي وأصحابه ومشرفيه يستأهلون كل خير وكل شكر وتقدير . وصح بدنك ولا هنت ،، |
اقتباس:
^^ شكرا جزيلا مشرفتنا القديرة رحيل على مجهوداتك وإدارتك وتنسيقك وكلماتك الثمينة وصح بدنك وجعلك سالمة وغانمة لك أطيب التحايا ،، |
| الساعة الآن 12:04 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir