انا ابدويه للوفاء عاقده حلف
 

يقول احبك وأقبلي عاشقك ولف
روفي بقلبٍ غايراتٍ طعونه

سهوم حبك بالحشا كنها الشلف
من كف زيزوم الطراد وزبونه

وإن مر طيفك قلت له مرحبا الف
يا بهجة الخاطر وسبة غبونه

شعور قلبي كثر ما اشتاق لك تلف
وش ذا القسى ما في ضميرك ليونه

قلت ابدويه للوفاء عاقده حلف
ما اخون من فيني كبارٍ ظنونه

وابك البدو من كثر ما طبعهم صلف
حتى الصغير من الإبل يقهرونه

عن الغرام قلوبهم دايماً غلف
لو يسمعون الحب ما يفقهونه

#سلمى

الله الله
صح لسانك ياسلمى
نص جميل وعذب لا ابعد الحدود
سجلي مروري وتقديري
ولك اجمل تحيه

مبدعه شآعرتنا سلمى
صح لسآنك مليوون ولا يكفوون
ويعطيك العآفيه على هالرآئعه

الله الله
ياسلام عليك وصح الله لسانك مدد شاعرتنا الرائعه
جزله ومبدعه وشهادتي فيك مجروحه
دمتي ودام مداد قلمك ورقي حرفك
تقديري وتقييمي لسموك
النجلاء

الله الله
سلمى
صح لسااانتس مليوووون
ولاهنتي

صح لسانك , ثم صح لســـــــــــــــــــــانكـ يالاميرهه ,, تقيييمي لسموك الراقيــ ؛/,

كعادتك غلاي مبدعة
صح لسانك ولا هنت